Maglumat tehnologiýalary fakulteti
13551Fakultetde amaly matematika we informatika, maglumatlar ulgamlary we tehnologiýalary kafedralary hereket edýär, olarda amaly matematika we informatika, maglumat ulgamlary we tehnologiýalary hünärleri boýunça hünärmenler taýýarlanylýar.
Fakultetde dürli ugurlar – sanly bilim ulgamyny kompýuter tehnologiýalarynyň esasynda ösdürmek; ýakynlaşan usullary ulanyp, döwrebap kompýuter tehnologiýalaryň kömegi bilen sanly ykdysadyýetiň we tehnikanyň dürli meselelerini çözmek; tor tehnologiýalarynda işlemek; robot tehnologiýalaryny programmalaşdyrmak; amaly meseleleriň spektral nazaryýetini ykdysadyýetiň, tehnikanyň, gidrodinamikanyň, gidromehanikanyň dürli meselelerini çözmekde ulanmak; kompýuterde dizaýn işlerini taýýarlamak we geçirmek boýunça ylmy-barlag işleri alnyp barylýar.
Fakultetiň uçurymlaryna amaly matematika we informatika, maglumat ulgamlary we tehnologiýalary hünärleri boýunça degişlilikde “matematik, ulgamlaýyn programmaçy, mugallym”; “maglumat ulgamlary we tehnologiýalary boýunça hünärmen, informatika mugallymy” kärleri berilýär. Olar okuwy tamamlanlaryndan soňra bilim edaralarynda matematika we informatika mugallymlary, ylmy-barlag institutlarynda, ylmy we kompýuter merkezlerinde ylmy işgär, önümçilikde, habar beriş we dolandyryş edaralarynda, banklarda kompýuter usullaryny düzýän hünärmenler hökmünde işläp bilýärler.
