Himiýa dersi boýunça geçirilen IV halkara olimpiadanyň ýeňijileri yglan edildi
307Şu gün, 17-nji oktýabrda Magtymguly adyndaky Türkmen döwlet uniwersitetinde himiýa dersi boýunça geçirilen IV halkara olimpiadanyň jemi jemlenip, onuň bilen ugurdaşlykda guralan «Himiýany okatmagyň usulyýetini kämilleşdirmekde innowasion tehnologiýalaryň orny» atly halkara ylmy-amaly maslahatyň ýapylyş dabarasy geçirildi. Dabara gatnaşyjylar, ilki bilen, uniwersitetiň baş binasynda ýaýbaňlandyrylan sergi bilen tanyşdylar. Onda ýurdumyzyň bilim-ylym ulgamynda ýetilen sepgitler, himiýa tehnologiýalarynyň ösüş ugurlary, milli amaly-haşam sungatynyň gymmatlyklary görkezildi.
Dabarada çykyş edenleriň belleýşi ýaly, olimpiadanyň häsiýetli aýratynlygy onda ýurdumyzyň ýokary bilim edaralarynyň, ylmy merkezleriniň professor-mugallymlarydyr alymlary bilen birlikde daşary ýurtlaryň abraýly ýokary okuw mekdepleriniň hem-de ylym-bilim merkezleriniň professordyr alymlary, doktorantdyr magistrlary eminlik etdiler.
«Himiýany okatmagyň usulyýetini kämilleşdirmekde innowasion tehnologiýalaryň orny» atly halkara ylmy-amaly maslahat oňa gatnaşyjy professor-mugallymlarydyr alymlara himiýany okatmakda innowasion tehnologiýalaryň orny, täze himiýa tehnologiýalaryny işläp düzmegiň meseleleri, wekilçilik edýän bilim-ylym edaralarynyň, merkezleriniň mysalynda alnyp barylýan işler boýunça tejribe alyşmaga mümkinçilik berdi.
Dabaranyň ahyrynda himiýa dersi boýunça IV halkara olimpiadada üstünlikli çykyş edip, ýokary netijeleri görkezen talyplar medallar hem-de diplomlar bilen sylaglanyldy. Halkara ylmy-amaly maslahata işjeň gatnaşan professor-mugallymlara bolsa şahadatnamalardyr ýadygärlik sowgatlar gowşuryldy.
Olimpiada şahsy görnüşde A hem-de B derejeler boýunça geçirilip, A derejede himiýa hünäri boýunça okap bilim alýan talyplar, B derejede hem beýleki hünärlerde okaýan ýaşlar özara bäsleşdiler. Meseleler ýokary okuw mekdep maksatnamasyna laýyklykda organiki himiýa, fiziki himiýa, organiki däl himiýa, analitiki himiýa boýunça taýýarlanyldy. A dereje ýazmaça görnüşinde, B dereje test görnüşinde geçirildi.
Şeýlelikde, A derejede baýrakly orunlaryň 63-si kesgitlenip, şolardan ýeňijileriň 14-si birinji, 17-si ikinji, 32-si bolsa üçünji orna mynasyp boldular. Şeýle hem B dereje boýunça baýrakly orunlaryň 57-si kesgitlenip, onda ýaşlaryň 12-si birinji, 17-si ikinji hem-de 28-si bolsa üçünji orny eýelediler.
Halkara parahatçylyk we ynanyşmak ýylynda himiýa dersi boýunça IV halkara olimpiada hem-de halkara ylmy-amaly maslahata gatnaşyjylar bäsleşigiň ýokary derejede guralandygyny belläp, munuň üçin türkmen halkynyň Milli Liderine we Türkmenistanyň hormatly Prezidentine tüýs ýürekden alkyş aýtdylar.
Dabarada çykyş edenleriň belleýşi ýaly, olimpiadanyň häsiýetli aýratynlygy onda ýurdumyzyň ýokary bilim edaralarynyň, ylmy merkezleriniň professor-mugallymlarydyr alymlary bilen birlikde daşary ýurtlaryň abraýly ýokary okuw mekdepleriniň hem-de ylym-bilim merkezleriniň professordyr alymlary, doktorantdyr magistrlary eminlik etdiler.
«Himiýany okatmagyň usulyýetini kämilleşdirmekde innowasion tehnologiýalaryň orny» atly halkara ylmy-amaly maslahat oňa gatnaşyjy professor-mugallymlarydyr alymlara himiýany okatmakda innowasion tehnologiýalaryň orny, täze himiýa tehnologiýalaryny işläp düzmegiň meseleleri, wekilçilik edýän bilim-ylym edaralarynyň, merkezleriniň mysalynda alnyp barylýan işler boýunça tejribe alyşmaga mümkinçilik berdi.
Dabaranyň ahyrynda himiýa dersi boýunça IV halkara olimpiadada üstünlikli çykyş edip, ýokary netijeleri görkezen talyplar medallar hem-de diplomlar bilen sylaglanyldy. Halkara ylmy-amaly maslahata işjeň gatnaşan professor-mugallymlara bolsa şahadatnamalardyr ýadygärlik sowgatlar gowşuryldy.
Olimpiada şahsy görnüşde A hem-de B derejeler boýunça geçirilip, A derejede himiýa hünäri boýunça okap bilim alýan talyplar, B derejede hem beýleki hünärlerde okaýan ýaşlar özara bäsleşdiler. Meseleler ýokary okuw mekdep maksatnamasyna laýyklykda organiki himiýa, fiziki himiýa, organiki däl himiýa, analitiki himiýa boýunça taýýarlanyldy. A dereje ýazmaça görnüşinde, B dereje test görnüşinde geçirildi.
Şeýlelikde, A derejede baýrakly orunlaryň 63-si kesgitlenip, şolardan ýeňijileriň 14-si birinji, 17-si ikinji, 32-si bolsa üçünji orna mynasyp boldular. Şeýle hem B dereje boýunça baýrakly orunlaryň 57-si kesgitlenip, onda ýaşlaryň 12-si birinji, 17-si ikinji hem-de 28-si bolsa üçünji orny eýelediler.
Halkara parahatçylyk we ynanyşmak ýylynda himiýa dersi boýunça IV halkara olimpiada hem-de halkara ylmy-amaly maslahata gatnaşyjylar bäsleşigiň ýokary derejede guralandygyny belläp, munuň üçin türkmen halkynyň Milli Liderine we Türkmenistanyň hormatly Prezidentine tüýs ýürekden alkyş aýtdylar.
16/10/2025
