Aýdym-sazly dabaraly çäre geçirildi
766Magtymguly adyndaky Türkmen döwlet uniwersitetinde 2021-nji ýylyň 7-nji dekabrynda Türkmenistanyň Bitaraplygynyň şanly 26 ýyllygy mynasybetli “Türkmenistanyň Bitaraplyk syýasaty umumadamzat parahatçylygynyň kepilidir” atly aýdym-sazly dabaraly çäre geçirildi.
Aýdym-sazly dabaraly çärede Magtymguly adyndaky Türkmen döwlet uniwersitetiniň professor-mugallymlary we talyplary “Bitarap Türkmenistanyň halkara gatnaşyklar ulgamyndaky orny”, “Bitarap Türkmenistanda Öňüni alyş diplomatiýasy boýunça sebit merkeziniň döredilmeginiň taryhy ähmiýeti”, “Halkara guramalar bilen hyzmatdaşlyk”, “Türkmen Bitaraplygynyň ynsanperwer, parahatsöýüjilik ýörelgeleri”, “Ýaşlar bilen öňe barýar Arkadagly Watanym” ýaly nutuklar bilen çykyş etdiler.
